རྣམ་དབྱེ་བརྒྱད།

 རྣམ་དབྱེ་བརྒྱད།

རྣམ་དབྱེ་ཟེར་མི་འདི་ མིང་ཆིག་གི་དོན་ དབྱེ་བ་སོ་སོ་སྦེ་ཕྱེད་ ཚུགས་མི་ལུ་ སླབ་ཨིན།

རྣམ་དབྱེ་བརྒྱད་འདི་་ག་ཅི་ར་མོ་ཟེར་བ་ཅིན་
༡༽ ངོ་བོ་ཙམ་སྟོན་པ།
༢༽ ལས་སུ་བྱ་བ།
༣༽ བྱད་པ་པོ།
༤༽ དགོས་ཆེད།
༥༽ འབྱུང་ཁུངས།
༦༽ འབྲེལ་སྒྲ།
༧༽ གནས་གཞི།
༨༽ བོད་སྒྲ།



རྣམ་དབྱེ་དང་པོ་ངོ་བོ་ཙམ་སྟོན་པ་ཟེར་མི་འདི་ བརྗོད་བྱའི་དོན་ག་ཅི་ ར་ཨིན་རུང་ མིང་རྐྱང་པ་ཙམ་མ་གཏོགས་ བྱ་ལས་དང་ཁྱད་ཆོས་ཚུ་ ག་ནི་ཡང་མ་སྟོན་མི་ལུ་ སླབ་ཨིན། དཔེར་ན། རྡོ་རྗེ། སྤ་རོ། དབྱངས་ཅན་ཕུག ཨ་ལུ། རོ་ཁྱི། ནགས་ཚལ། ཨམ་སྲུ། ཕོ་སྐྱེས་ བཟུམ།

བཟུམ།

གཉིས་པ་ལས་སུ་བྱ་བ།

གཉིས་པ་ལས་སུ་བྱ་བ་ཟེར་མི་འདི་ བྱ་བའི་ཡུལ་ལམ་ལས་ཅིག་ལུ་ བྱེད་པ་པོ་ཅིག་གིས་ ལཱ་ཅིག་འབད་བའི་དོན་སྟོན་པའི་ཚིག་ཅིག་ལུ་ སླབ་ཨིན། ལས་སུ་བྱ་བ་ནང་ལུ་ བྱེད་པ་པོ་ བྱ་བའི་ཡུལ་ བྱ་བ་གསུམ་དགོ།

 

འདི་ལུ་ནང་གསེས་ཀྱི་དབྱེ་བ།

 

 ལས་སུ་བྱ་བའི་རྣམ་ དབྱེ་དང་ བྱ་ལས་དབྱེར་མེད་ཀྱི་རྣམ་དབྱེ་གཉིས་ཡོད།

༡. ལས་སུ་བྱ་བའི་རྣམ་དབྱེ།

ལས་སུ་བྱ་བ་ ལུ་ཕྲད། ན། ར། ལུ། གུ བཞི་དང་ བྱ་ལས་དབྱེར་མེད་ཀྱི་ཕྲད།

 

༢. བྱ་ལས་དབྱེར་མེད་ཀྱི་རྣམ་དབྱེ།
བྱ་ལས་དབྱེར་མད་ཀྱི་རྣམ་དབྱེ་ཟེར་མི་འདི་ བྱ་བའི་ཡུལ་དྭང་ལས་གཉིས་དབྱེ་བ་ཕྱེ་མ་ཚུགས་པའི་ཚིག་གི་སླབ་ཐངས་ཅིག་ལུ་སྲུབ་ཨནི། བྱ་ལས་དབྱེར་མེད་ཀྱི་ཕྲད། ར་དང་ལུ་གཉིས་ཨིན།

 

ལས་སུ་བྱ་བ།	བྱ་ལས་དབྱར་མེད།
ཕྱི་ཁར་སོང་།	ཤིང་སེར་པོར་གྱུར།
ལྟག་ལུ་སྡོད།	བུམོ་མཁའ་འགྲོ་མར་གྱུར།
སྒྲོམ་ནང་ན་བཙུགས།	ཨོམ་ཆུ་ལུ་གྱུར།
ཤིང་གུ་འཛེག	སྤྱ་མི་ལུ་གྱུར།

 

༣. གསུམ་པ་བྱེད་པ་པོ།

བྱེད་པ་པོ་ཟེར་མི་འདི་ གང་ཟག་དང་ དངོས་པོ་ གང་རུང་ཅིག་གིས་ ལཱ་འབད་བའི་དོན་སྟོན་པའི་ཚིག་ཅིག་ལུ་སླབཔ་ཨིན།

དེ་ལུ་ནང་ གསེས་ཀྱི་དབྱེ་བ། 

བྱེད་པ་པོ་གཙོ་བོ། ཕལ་པ། རང་བཞིན་གྱི་བྱེད་པ་ པོ། རྒྱུ་མཚན་གྱི་དོན་ལུ་འཇུག་པ་དང་བཞི་ཡོད།

 བྱེད་སྒྲའི་ཕྲད་ ཀྱིས། གིས། གྱིས་གསུམ་འཇུགཔ་ཨིན།

ཕྲད་ ཀྱིས་ འདི་ རྗེས་ འཇུག་ ད། བ། ས་གསུམ་དང། གིས་འདི་རྗེས་འཇུག་ ག། ང་། འ་གསུམ་དང་ མཐའ་མེད་ཀྱི་རྗེས་སུ་འཇུགཔ་ཨིན། ཕྲད་ གྱིས་ འདི་ རྗེས་འཇུག་ ན། མ། ར། ལ་བཞིའི་ རྗེས་སུ་འཇུགཔ་ཨིན།

 བཞི་པ་དགོས་ཆེད།

མཐའ་དོན།

མིང་མཐའ། པ། པོ། མ། མོ། ཝ་ཚུ་བསྡུ་བའི་ཚིག དཔེར་ན། རྒཔ། དཀརཔོ། ཐོངམ། རོལམོ། ཀཝ་ཟེར་མི་ཚུ་ མིང་མཐའ་བསྡུ་བསྡུཝ་ཨིནམ་ ལས་ དེ་ཚུ་གི་མཐའ་མར་ བྱེད་སྒྲའི་ཕྲད་ གིས་ སྦྱར་དགོ། དེ་ཚུ་རྗེས་ འཇུག་ཨིན་པས་མནོ་སྟེ་ རྗེས་འཇུག་དང་འཁྲིལ་བའི་ ཕྲད་སྦྱར་བ་ཅིན་ནོར་ བ་ཨིན།

༤. དགོས་ཆེད་ཟེར་མི་འདི་ ཚིག་གང་རུང་ཅིག་ལུ་ ལས་ཚིག་སྦྱརཝ་ད་ བར་ན་ལུ་ཕྲད་ ར། ལུ། གུ་གསུམ་གྱིས་ ལཱ་འདི་ འབད་དགོ་པའི་ དོན་དག་དང་ ཡུལ་དང་བྱེད་པོ་གང་རུང་ལུ་ ཕན་པའི་དོན་སྟོན་པའི་ ཚིག་ཅིག་ལུ་ སླབཔ་ཨིན། དཔེར་ན།

།

དགོས་ཆེད་ཀྱི་ཕྲད་ཚུ་གི་ཧེ་མ་ དོན་ ཟེར་བའི་ཚིག་བཙུགསཔ་ད་ དགོས་ ཆེད་གསལ་བྱེད་ལུ་འགྱོཝ་ཨིན། དཔེར་ན། གཞུང་དོན་ལུ་དཀའཝ་སྤྱད་དགོ་ ཟེར་དོ་བཟུམ།

 ༥. ལྔ་པ་འབྱུང་ཁུངས།

འབྱུང་ཁུངས་ཟེར་མི་འདི་ གང་ཟག་དང་ དངོས་པོ་ཚུ་ ཡུལ་ག་ ལས་འབྱུངམ་ཨིན་ན་གི་ ཁུངས་སྟོན་པའི་ཚིག་ལུ་སླབཔ་ཨིན། དེ་ ལུ་ནང་གསེས་ཀྱི་དབྱེ་བ། འབྱུང་ཁུངས་དངོས། ཆ་འདྲ་བ། འགྲན་ བསྡུར། རྒྱུ་མཚན། སྡུད་སྒྲ་བཅས་ ལྔ་ཡོད། འབྱུང་ཁུངས་ཀྱི་ཕྲད་ ལས་ ཨིན། དཔེར་ན།

ཕྲད།     ལས།

དཔེར་བརྗོད།       འཇུག་ཚུལ། 

མེ་ལས་དུ་པ།        དངོས།

ཤིང་ཁ་ལས་བྱ།       ཆ་འདྲ་བ།

༦. དྲུག་པ་འབྲེལ་སྒྲ།


འབྲེལ་སྒྲ་ཟེར་མི་འདི་ གངཟག་དང་དངོས་པོ་ཚུ་གི་བར་ན་ འབྲེལ་ བ་སྟོན་པའི་ཚིག་ཅིག་ལུ་སླབཔ་ཨིན།

འབྲེལ་སྒྲའི་ཕྲད། ཀྱི། གི། གྱི། འི། ཡི་ལྔ་ཡོད་མི་ཚུ་རྗེས་འཇུག་ 

ད། བ། སའི་མཐའ་མར་ཀྱི། 

ག། ང་། མཐའ་མེད་ཀྱི་རྗེས་སུ་གི། 

ན། མ། ར། ལའི་མཐའ་མར་ གྱི།

འ་དང་མཐའ་མེད་ཀྱི་རྗེས་སུ་ འི་དང་ ཚིག་ཁ་སྐོང་དགོཔ་དང་ ཡི་འཐོབཔ་ཨིན། འབྲེལ་སྒྲའི་འཇུག་ཚུལ་གྱི་དབྱེ་བ།

ངོ་བོ་བདག་ གཅིག དེ་ལས་དེ་འབྱུང་། རྟེན་དང་བརྟེན་པ། ཡན་ལག་དང་ཡན་ ལག་ཅན། ཁྱད་གཞི་དང་ཁྱད་ཆོས། ནོར་དང་བདག་པོ་བཅས་དྲུག་ ཡོད། དཔེར་ན།

༡༽ངོ་བོ་བདག་གཅིག ཿ སེ་ཤུ་གི་གོ གསེར་གི་སྐུ།
༢༽དེ་ལས་དེ་འབྱུང་ ཿ དཔོན་གྱི་གསལ་ར།
༣༽རྟེན་དང་བརྟེན་པ། ཿ འཐབ་ཀྱི་མེ།
༤༽ཡན་ལག་དང་ཡན་ལ་ཅན། ཿ བླ་མའི་ཕྱག
༥༽ཁྱད་གཞི་དང་ཁྱད་ཆོས། ཿ ཤེ་གི་འོད།
༦༽ནོར་དང་བདག་པོ། ཿ ཁོ་གི་རྒྱུ་ནོར།


༧. བདུན་པ་གནས་གཞི།

གནས་གཞི་ཟེར་མི་འདི་ གང་ཟག དངོས་པོ་ག་ཅི་ར་འབད་རུང་ ཡུལ་དང་དུས་ཀྱི་གཞི་གཅིག་ལུ་ གནས་ཏེ་ཡོད་པའི་དོན་སྟོན་པའི་ ཚིག་ཅིག་ལུ་སླབཔ་ཨིན། དེ་ལུ་ ནང་གསེས་ཀྱི་དབྱེ་བ། ཡུལ་གྱི་ གཞི་ལ་གནས་པར་སྟོན་པའི་གནས་གཞི་དང་ དུས་ཀྱི་གཞི་ལ་

གནས་པར་སྟོན་པའི་ དུས་ཀྱི་གནས་གཞི་དང་གཉིས་ཡོད། ཡུལ་གྱི་ གནས་གཞི་ལུ་ ཕྲད་ ན། ར། ལུ། གུ་བཞི་དང་ དུས་ཀྱི་གནས་ གཞི་ལུ་ ན། ར། ལུ་གསུམ་འཇུགཔ་ཨིན། དཔེར་ན།

དབྱེ་བ། 

༡༽ཡུལ་གྱི་གཞི་ལུ་གནས་པར་སྟོན་པའི་གནས་གཞི།

༢༽དུས་ཀྱི་གཞི་ལུ་གནས་པར་སྟོན་པའི་དུས་ཀྱི་གནས་གཞི།

ཕྲད་ ཿ ན་ ར་ ལུ་ གུ། དཔེཿ ཤིང་གུ་བྱ།

༢༽དུས་ཀྱི་གཞི་ལུ་གནས་པར་སྟོན་པའི་དུས་ཀྱི་གནས་གཞི། 

ཕྲད་ ཿ ན་ ར་ ལ། དཔེཿ ཆུ་ཚོད་ ༩ ལུ་ཤོག

༨. བརྒྱད་པ་བོད་སྒྲ།

བོད་སྒྲ་ཟེར་མི་འདི་ གང་ཟག་མཆོག་དམན་འབྲིང་གསུམ་ག་ར་ འབོ་རུང་ མིང་གི་ཐོག་མཐའ་དང་ཚིག་གི་ཐོག་མཐའ་བར་གསུམ་ལུ་ སྦྱར་བའི་ཚིག་ཅིག་ལུ་སླབཔ་ཨིན།

འདི་ལུ་ནང་གསེས་ཀྱི་དབྱེ་བ་གང་ཟག་ལུ་ཐོབ་པའི་ བོད་སྒྲའི་རིགས་ཅིག་དང་ ལས་ཚིག་ལུ་ཐོབ་པའི་སེམས་ཚོར་སྟོན་པའི་སྒྲ་དང་གཉིས་ཡོད། དཔེར་ན།

དབྱེ་བ ཿ ༡༽གང་ཟག་ལུ་འཐོབ་པའི་རིགས་ཅིག ༢༽བྱ་ཚིག་ལུ་འཐོབ་པའི་སེམས་ཚོར་སྟོན་པའི་སྒྱ་རིགས།
༡༽གང་ཟག་ལུ་འཐོབ་པའི་རིགས་ཅིག དཔེ་ ཿ དབའེ་རྡོ་རྗེ་ཚུར་ཤོག
༢༽བྱ་ཚིག་ལུ་འཐོབ་པའི་སེམས་ཚོར་སྟོན་པའི་སྒྱ་རིགས། དཔེ་ ཿ སྤའོ། ཛའི། ཕུའི།